Elordada Naýryz meıramyna oraı «Kórpe Fest» festıvali ótti, dep habarlaıdy Egemen.kz qala ákimdiginiń resmı saıtyna silteme jasap.
Is-sharaǵa Premer-Mınıstrdiń orynbasary Eraly Toǵjanov, Eńbek jáne halyqty áleýmettik qorǵaý vıse-mınıstri Rýslan Sákeev, Nur-Sultan qalasy ákiminiń orynbasary Berik Jákenov, jumyspen qamtý jáne áleýmettik qorǵaý basqarmasynyń basshysy Sáýle Nurǵojına qatysty.
Festıvalde sóz sóılegen vıse-premer áıelderdiń qolónerge degen qyzyǵýshylyǵyna joǵary baǵa berdi.
Vıse-premer sondaı-aq Úkimette halyqtyń tabysyn arttyrý boıynsha baǵdarlama ázirlenip jatqanyn habarlady. Festıval aıasynda kópbalaly analarǵa tigin jáne qoldanbaly óner boıynsha tegin oqytý sabaqtary ótti. Sheberlik sabaqtaryn ulttyq qolóner buıymdaryn shyǵaratyn etno-dızaıner, «Altyn sapa» Prezıdenttik syılyǵynyń laýreaty, «Qurmet» ordeniniń ıegeri Yrza Tursynzada ótkizdi. Master-klass qatysýshylaryna qoldanbaly ónerdiń negizderi men qupııalary, óz bıznesin ashý tásilderi, ony tabys tabý úshin áleýmettik jelilerde júrgizý ádisi oqytyldy. Festıval aıasynda atyraýlyq kásipkerler atynan is-sharaǵa qatysqan jasóspirim qyzdar men analarǵa 15 tigin mashınasy syıǵa tartyldy.
Sondaı-aq, elordanyń Jumyspen qamtý jáne áleýmettik qorǵaý basqarmasynyń basshysy birqatar qatysýshylarǵa elorda ákimi Altaı Kólginovtiń atynan alǵys hattar tabys etti.
«Baqytty otbasy» jobasyna 6 jastan 78 jasqa deıingi názik jandylar qatysa alady. О́z kezeginde qatysýshylar elimizdiń tabysty áıelderimen bir qatarda bolýǵa umtylýy tıis», dep atap ótti festıval uıymdastyrýshylary.