Sarapshylardyń aıtýynsha, paıdaly qazbalardy óndirýdiń jańa jobalaryn joıyp, «las» otynnan tolyq bas tartý kerek, dep habarlaıdy Egemen.kz.
lenta.ru Sentinel-5p Eýropalyq ǵarysh agenttiginiń spýtnıgi Qytaıdyń ústinen planetaǵa qaýipti metan bultyn anyqtaǵanyn habarlady.
Ǵaryshtan kórinetin lastaný alǵash ret eldiń soltústigindegi Ishki Mońǵolııa avtonomııalyq aımaǵyndaǵy Manglaı kómir shahtasynyń ústinde tirkeldi. Fransýz geoanalıtıkalyq Kayrros kompanııasynyń málimetinshe, metan «daǵy» osy shahtadan 20 shaqyrym qashyqtyqta paıda boldy. Lastanýdyń sebebi - Manglai Mining Co kompanııasynyń kómir óndirisiniń artýy.
Global Energy Monitor energetıka salasyndaǵy analıtıkalyq kompanııasynyń málimetteri boıynsha kómir shahtalaryndaǵy metan shyǵaryndylary 2030 jylǵa deıin jyl saıyn 11%-ǵa qysqarýy tıis, osylaısha klımattyń ózgerýiniń eń nashar saldarlaryn boldyrmaýǵa bolady. Alaıda, sarapshylardyń aıtýynsha, jaqyn aradaǵy basty maqsat - paıdaly qazbalardy óndirýdiń jańa jobalaryn keńinen joıý jáne «las» otynnan tolyq bas tartý.
2022 jyldyń aqpan aıynda QHR bıligi mıllıard dollarlyq kómir shahtalarynyń úsh jobasyn maquldady.
Metan - qaýipti parnıktik gaz, ol qysqa merzimde kómirqyshqyl gazynan 80 ese kúshti jahandyq jylynýǵa áser etedi.