Elordada bir táýlik ishiinde 124 JKO tirkeldi, dep habarlaıdy Egemen.kz Nur-Sultan qalasynyń PD baspasóz qyzmetine silteme jasap.
Aýa raıynyń qolaısyzdyǵyna baılanysty elorda joldarynda jol-kólik oqıǵalarynyń sany artty. Iri jol apattarynyń biri 23 naýryz kúni saǵat 14:30-da Qosshy qalasynan Nur-Sultan qalasyna aparatyn jolda oryn aldy. Jol apatynda 12 kólik bir-birimen soqtyǵysqan. Jol-kólik oqıǵasynyń sebebi - meteorologııalyq jaǵdaıda jyldamdyq rejımin saqtamaý.
Apat saldarynan zardap shekkender joq. Atalǵan fakti boıynsha anyqtaý júrgizilýde.
Nur-Sultan qalasynyń polısııa departamenti júrgizýshilerdi óte muqııat bolýdy, belgilengen jyldamdyq rejımin qatań saqtaýdy, qatty tejeýge júginbeýdi, qashyqtyq pen búıirlik aralyqty saqtaýdy eskertedi.