WBA tujyrymy boıynsha jartylaı aýyr salmaq dárejesindegi álem chempıony, reseılik boksshy Dmıtrıı Bıvol qazaqstandyq Gennadıı Golovkın men meksıkalyq Saýl Alvares arasynda ótýi múmkin trılogııaǵa qatysty pikir bildirdi, dep habarlaıdy Egemen.kz sports.kz-ke silteme jasap.
«Alveres Golovkınge qarsy úshinshi ret rıngke shyǵý úshin kelisimge keldi me? Bul áńgimeniń maǵan esh qatysy joq. Ol kimmen kelisimshart jasassa da ózi biledi. Biraq jetinshi mamyr kúni menimen judyryqtasady. Men úshin eń bastysy sol. Aldaǵy shaıqastan basqa dúnıege bas aýyrtatyn ýaqytym joq. Bul múmkindik meni qanattandyrady. О́ıtkeni álem úzdigine qarsy myqty daıyndyqpen sharshy alańǵa shyǵýym kerek. Dál qazir tek osy máseleni oılastyryp júrmin», deıdi reseılik boksshy.