Pavlodar oblystyq TJD-ǵa Ertis ózeniniń boıynda balyqshylardyń joǵalyp ketkeni týraly habarlama 23 naýryz saǵat 22:40-ta túsken, dep habarlaıdy Egemen.kz.
Joǵalǵan adamdardy izdeýge Aqtoǵaı aýdanynyń №15 órt sóndirý bóliminiń bes qyzmetkeri, jergilikti turǵyndar men polıseı shyqqan.
– Balyqshylar 24 naýryzda saǵat 00:45-te Qaraoba aýylynan 12 shaqyrym jerde tabyldy. 40 jáne 59 jastaǵy balyqshylarǵa qutqarýshylardyń kóligine jetýge kómek kórsetildi, – dedi departament ókili.
Qutqarylǵandarǵa medısınalyq kómek qajet bolmady.