Portýgalııanyń Premer-Mınıstri Antonıý Koshta el úkimetiniń jańa quramyn tanystyrdy. Osylaısha, el tarıhynda alǵash ret Ulttyq qorǵanys mınıstrligin áıel basqaratyn boldy, dep habarlaıdy Egemen.kz.
Portýgalııa Prezıdentiniń veb-saıtynda jarııalanǵan tizimge sáıkes, atqarýshy bılikti Premer-Mınıstr jáne 17 mınıstr usynady. Olardyń 9-y – áıel, onyń ishinde Ulttyq qorǵanys mınıstri – Elena Karreıras ta bar.
Portýgalııanyń jańa úkimetin ulyqtaý rásimi kelesi aptada ótedi.
Elena Karreıras 1965 jyly Portýgalııanyń Portalegrı qalasynda dúnıege kelgen. Ol áskerı áleýmettaný mamany, NATO Qarýly Kúshterindegi genderlik ıntegrasııa saıasaty týraly dıssertasııa qorǵaǵan. 2019 jyldyń shildesinde Karreras Ulttyq qorǵanys ınstıtýtyn basqardy, ol osy laýazymda da alǵashqy áıel adam bolǵan.