Búgin Premer-Mınıstrdiń orynbasary Eraly Toǵjanovtyń tóraǵalyǵymen Qazaqstan Respýblıkasynyń aýmaǵynda koronavırýs ınfeksııasynyń taralýynyń aldyn alý jónindegi vedomstvoaralyq komıssııanyń otyrysy ótti, dep habarlaıdy Egemen.kz primeminister.kz-ke silteme jasap.
Komıssııa jumysyna memlekettik organdardyń, «Atameken» UKP ókilderi jáne óńirlerdiń basshylary qatysty.
Eldegi epıdemıologııalyq jaǵdaıdyń turaqtanýyn eskere otyryp, vedomstvoaralyq komıssııa kelesi sheshimderdi qabyldady:
úı-jaılarda mindetti maska taǵý talabyn alyp tastaý;
medısınalyq mekemelerde (personal, qyzmetkerler, pasıentter, kelýshiler) medısınalyq maskalardy taǵý mindetin óz kúshinde qaldyrý;
adamdar kóp jınalatyn oryndarda, qoǵamdyq kólikte, uıymdasqan ujymdarda maska taǵýdy usynymdyq sıpatta qaldyrý;
bilim berý uıymdarynda oqytýdyń kabınettik júıesine ruqsat berý.
Sondaı-aq VAK sheshimimen «Pfizer» preparatymen vaksınalaýǵa jatatyn adamdar kontıngenti keńeıtiledi, ol mynadaı sanattarmen tolyqtyrylady:
bastapqy vaksınalaýdan ótetin, osy preparatpen profılaktıkalyq vaksına alǵysy keletin adamdar;
túrli sebeptermen shetelge shyǵý úshin qaıtalama ekpe alýshylar;
shetelde alǵan vaksınalaý kýrsyn aıaqtaý úshin ekpe alýshy tulǵalar;
COVID-19 vırýsyna qarsy revaksına alýshy barlyq toptaǵy adamdar.
Otyrys sońynda E. Toǵjanov qolaıly epıdemıologııalyq jaǵdaıdy qamtamasyz etýdiń basty sharttarynyń biri azamattardy ýaqtyly ımmýndaý jáne revaksınalaý ekenin atap ótti. Ol ákimdikterge koronavırýs ınfeksııasyna qarsy egý naýqanyn erekshe baqylaýǵa alýdy tapsyrdy jáne halyq arasynda sapaly túsindirý jumystaryn júrgizý qajettigin atap ótti.