Búlikshi er adamdy ustaý barysynda polısııa qyzmetkerleri taba, sháınek, pyshaq sııaqty asúı ydystaryn tárkilegen, dep habarlaıdy Egemen.kz Zakon.kz-ke silteme jasap.
Jappaı tártipsizdikter kezinde A esimdi azamat saýda ortalyqtarynyń birinde ornalasqan ydys-aıaqtar býtıgine zańsyz kirip, jalpy quny 5 mıllıon teńgege jýyq asúı ydystaryn jymqyryp ketken. 32 jastaǵy ustalǵan azamat qylmysyn moıyndady. Onyń beti birden birneshe beınebaqylaý kamerasyna, sonyń ishinde tonaý kýágerleriniń smartfondaryna túsip qalǵan, dep habarlady Bostandyq aýdandyq Polısııa basqarmasy janyndaǵy polısııa bóliminiń bastyǵy Ǵalym Qasymbaev.
Polisia.kz-tiń habarlaýynsha, atalǵan derek boıynsha sotqa deıingi tergeý bastaldy. Kúdiktiniń áreketteri QR QK-niń 188-baby 3-bóliginiń 3-tarmaǵymen (Urlyq) qaralady.
Qylmysker urlanǵan zattardy sata almaǵan. Jedel ýákilder urlanǵan asúı ydystaryn tárkilep, aıǵaq retinde qylmystyq is materıaldaryna tirkegen. Almaty qalasynyń mamandandyrylǵan aýdanaralyq tergeý soty qamaý túrindegi bultartpaý sharasyn sanksııalady.