Fransııalyq «PSJ» fýtbol klýbynyń basshylary osy jazda komandadan ketetin shabýylshy Kılıan Mbappeniń ornyna germanııalyq «Borýssııa» (Dortmýnd) komandasynyń norvegııalyq shabýylshysy Erlıng Hollandty alýǵa nıettenip otyr, dep habarlaıdy Egemen.kz.
Bul týraly Cadena Ser aqparat taratty. Derekkóz keltirgen aqparatqa zer salsaq, parıjdik komanda Kılıan Mbappege usynǵan jalaqyny Hollandqa berýge daıyn. Klýb basshylary norvegııalyq fýtbolshynyń Kılıan Mbappeni almastyra alatyndyǵyna bek senimdi. Tipti, olar Holland ózderiniń jańa jobalarynyń basty juldyzy bolatynyna eshqandaı kúmán keltirmeıdi. Bir sózben aıtqanda komandanyń basqa fýtbolshylary Erlıngtiń jasyndaı jarqyraýy úshin jasyl alańda ter tógedi. Esterińizge sala keteıik, Kılıan Mbappe osy jazda Ispanııanyń «Real» komandasyna aýysýǵa bekinip otyr. Alaıda fransııalyq fýtbolshy ázirge «PSJ» fýtbolshysy ekenin eskergen «Barselona» basshylary da ony óz komandasyna qosýǵa jumys jasap jatyr.