Energetıka mınıstrligi Stepnogordaǵy jylý elektr ortalyǵynda bolǵan apatty jaǵdaıǵa qatysty túsinik berdi, dep habarlaıdy Egemen.kz atalǵan mınıstrliktiń baspasóz qyzmetine silteme jasap.
«25 naýryzda Stepnogorsk JEO bý qyzdyrǵyshynda tesik sańylaý paıda bolǵandyqtan KA-3 avarııalyq jaǵdaıda toqtatyldy. 26 naýryzda bý qyzdyrǵyshtyń tóbesinde tesik sańylaý tabylyp, KA-5 avarııalyq jaǵdaıda toqtatyldy. Aýa raıynyń qolaısyzdyǵyna baılanysty, jylý tasyǵyshtyń temperatýrasynyń kúrt tómendeýine jol bermeý maqsatynda 25 naýryzda rezervtegi №4 sý jylytý qazandyǵy iske qosyldy», delingen habarlamada.
Mınıstrliktiń málimetinshe, qazir 3 energetıkalyq qazandyq agregat jáne 1 sý jylytý qazandyǵy jumys istep tur.
«Stansııanyń syrtyndaǵy temperatýra 93-95 S, qalaǵa kire beristegi temperatýra 71 S. Qazirgi ýaqytta apattyq sóndirýlerdi joıý boıynsha táýlik boıy jumys isteıtin brıgadalar uıymdastyryldy. Jaqyn arada apatty qalpyna keltirý jumystary aıaqtalady», deıdi vedomstvodan.