Endigide «+77» jáne «+76» halyqaralyq kodtardan túsetin qońyraýlar «Qazaqstan» dep kórsetiledi dep habarlady Egemen.kz Sıfrlyq damý, ınnovasııalar jáne aeroǵarysh ónerkásibi mınıstri taratqan aqparatqa silteme jasap.
«Apple kompanııasymen birge kópshilikti alańdatqan bir máseleni rettedik – endi «+77» jáne «+76» halyqaralyq kodtardan túsetin qońyraýlar «Qazaqstan» dep kórsetiledi. Apple ótinishimizdi barynsha jyldam qarastyryp, bizge yqylas tanytqanyn atap ótkim keledi. Sóıtip iOS 14 qoldaıtyn iPhone 6 jáne odan keıingi quraldardaǵy atalǵan problema sheshildi», dep jazdy Baǵdat Mýsın áleýmettik jelide.