Ispanııalyq «Barselona» fýtbol klýbynyń prezıdenti Joan Laporta komandanyń burynǵy juldyzy, «PSJ» fýtbol klýbynyń shabýylshysy Lıonel Messıdi Katalonııaǵa qaıta shaqyrýǵa nıeti joq ekenin aıtty, dep habarlaıdy Egemen.kz championat.com-ǵa silteme jasap.
«О́z basym Lıonel Messıden «Barselonaǵa» oralǵysy keletini týraly eshqandaı habarlama alǵan joqpyn. Qazirgi kezde biz Messıdi «Barselonaǵa» qaıta shaqyrýǵa qulyqty emespiz. О́ıtkeni búginde jastardan jasaqtalǵan komanda jınap jatyrmyz. Bul jumysymyz óz nátıjesin beredi dep oılaımyn. Leonyń orny bólek ekeni ras. Alaıda bizdiń basqa josparymyz bar», deıdi ol óz oıymen bólisip.