Prezıdent Ákimshiligine joǵary jaýapkershilik júkteledi

Memleket basshysy Nursultan Nazarbaev Prezıdent Ákimshiliginiń basshylyq quramymen kezdesti, dep habarlady Prezıdenttiń baspasóz qyzmeti. Memleket basshysy kezdesý barysynda Kárim Másimovke Prezıdent Ákimshiligi Bas­shy­synyń qyzmetinde atqarǵan ju­mysy úshin alǵys aıtty. – Bul sheshim osyndaı kúrdeli kezeńde Úkimet jumysyna tyń serpin berý úshin qabyldandy. Bizdiń «Qazaqstan-2050» Stra­tegııasy aıasynda maqsattarymyz bar jáne Úkimet olarǵa qol jet­kizý úshin jasalatyn jumysty jan­dandyrǵany jón. Bul mindet jaýapty ári ońaı emes, – dedi Nursultan Nazarbaev. Sondaı-aq, Qazaqstan Prezı­denti óz Jarlyǵymen Ádilbek Jaq­sybekovtiń Qazaqstan Res­pýblıkasynyń Memlekettik hat­shysy laýazymyna taǵaı­yn­dalǵanynan habardar etti. – Memlekettik hatshy keń aý­qymdaǵy mindetterdi atqarady, al Á.Jaqsybekovtiń budan burynǵy qyzmet salalarynda jınaǵan tájirıbesi men bilimi jańa qyzmetindegi mindetterdi sheshýge aıtarlyqtaı septigin tıgizetin bolady, – dedi Memleket basshysy. Budan bólek, Nursultan Na­zarbaev Prezıdent Ákimshiliginiń Bas­shysy laýazymyna Nurlan Nyǵmatýlındi taǵaıyndaǵany tý­raly málimdep, onyń óńirlik deń­­geıde de, ortalyq deńgeıde de mol jumys tájirıbesi bar ekenin atap ótti. – О́zderińiz biletindeı, Pre­zı­denttiń Ákimshiligine joǵa­ry jaýapkershilik júktelgen, mem­lekettik basqarý júıesi­niń tıimdiligi sizderdiń jumys­tary­ńyzǵa baılanysty. Sondaı-aq, Ákimshilik óńirlik jáne ortalyq atqarýshy organdardyń jumysyn úılestire otyryp, qabyldanǵan sheshimder men tapsyrmalardyń oryndalýyn qadaǵalaıtyn negizgi baqylaýshy organ bolyp sanalady. Osyǵan baılanysty negizgi mindet – el azamattarynyń múd­desine saı keletin bar­lyq qa­jet­ti sheshimderdiń qabyl­da­nýyn qam­tamasyz etý jáne jú­zege asyrý, – dedi Qazaqstan Prezıdenti.