Nur-Sultan áýejaıynda reıster keshigip jáne toqtatylyp jatyr. Bul týraly elordalyq áýejaıdyń baspasóz hatshysy Anvar Shalekenov málimdedi, dep habarlaıdy Egemen.kz.
«Qazir áýejaı shtattyq rejımde jumys istep tur. Biraq reıster keshigip jatyr. 36 reıstiń qoný, 28 reıstiń ushý ýaqyty shegerilgen. 16 reıs toqtatyldy. Oǵan elordadaǵy aýa raıynyń qolaısyzdyǵy jáne ushaqtyń keshigip kelýi sebep», dedi Shalekenov.
Ol jolaýshylardan áýejaıdyń aqparattyq qyzmetteri men áýekompanııanyń baılanys ortalyqtarynan reısterdiń keshigýi, sondaı-aq toqtatylýy týraly aqparatty naqtylap alýdy surady.
«Kesheden beri áýejaıda, onyń ishinde ushý-qoný jolaǵynda da qar tazalaý jumystary júrip jatyr. Joldarda kóktaıǵaq bolǵandyqtan, jolaýshylardan saq bolýdy suraımyz», dep qosty ol.