Bilim jáne ǵylym mınıstri Ashat Aımaǵambetov oqýshylardyń oqý jyly uzarta ma, joq pa, sony aıtty, dep habarlaıdy Egemen.kz
«Bizde memlekettik jalpyǵa mindetti standart bar, ol menshik nysanyna qaramastan barlyq uıymdar úshin birdeı. Oqý jyly 25-shi mamyrda aıaqtalady. Men keshe tıisti buıryqqa qol qoıdym. Biraq, soǵan qaramastan, qańtar aıynda belgili bir ýaqyt ishinde obektıvti jaǵdaılar boıynsha oqýshylar tıisti bilim ala almaǵanyn da eskeremiz. Jalpy, pandemııa bastalǵaly beri bilim berý júıesi qıyndyqtarǵa tap boldy. Osyǵan baılanysty ótken jyly bizde jazǵy mektep ótkizý tájirıbesin qolǵa alǵan edik», dedi Ashat Aımaǵambetov.
Mınıstrdiń aıtýynsha, kóptegen elderde jazǵy mektepter jumys isteıdi, olardyń keıbireýleri oqý jylynyń uzaqtyǵyn arttyrady.
«Biz de osy jyly, ótken jyldaǵydaı, balalarymyz úshin jazǵy mektep ótkizemiz dep aıtamyz. Bul balalar óz bilimderin shyńdap, bizdiń muǵalimdermen birge jumys isteýge qosymsha múmkindik alýy úshin qajet. Aıta ketsem, bul qosymsha shyǵyndarǵa ákelmeıdi», dedi mınıstr.
Eske sala ketsek, qańtar aıynda jappaı tártipsizdikke baılanysty qazaqstandyq oqýshylar men stýdentterdiń qysqy demalysy uzartylǵan edi.