Qazaqstanda birneshe kúnge ulasqan qatty jel men daýyldyń saldarynan 70 133 abonent elektr qýatynsyz qalǵan. Tótenshe jaǵdaıdy joıý boıynsha Respýblıkalyq Shtab quryldy, dep habarlaıdy Egemen.kz.
Qatty jeldiń saldarynan Atyraý, Taldyqorǵan, Tekeli, Pavlodar jáne Almaty, Atyraý, Aqmola, Qaraǵandy, Soltústik Qazaqstan jáne Pavlodar oblystarynyń 194 eldi mekeninde 70 133 abonent elektr energııasynan ajyratyldy.
Qazir kóshelerdi tazalaý jumystary júrgizilip jatyr. Elektrmen jabdyqtaýdy qalpyna keltirý boıynsha jumystar jáne TJ saldaryn joıý boıynsha basqa da is-sharalar jalǵasýda.
«Qazirgi ýaqytta avtojoldardyń 86 ýchaskesi jabyldy, olardyń ishinde 33 respýblıkalyq jáne 53 oblystyq mańyzy bar joldar bar. Bul rette avtokólikterdiń jınalýy Qaraǵandy, Aqmola, Qostanaı oblystary men Nur-Sultan (60) blok-beketterinde baıqalady», delingen TJ joıý jónindegi Opershtabtyń habarlamasynda.