Elimizdegi aýa raıynyń kúrt nasharlaýy saldarynan Qazaqstannyń tórt óńirinde on eki jol ýchaskesi áli ashylǵan joq, dep habarlaıdy Egemen.kz «QazAvtoJol» ulttyq kompanııasynyń baspasóz qyzmetine silteme jasap.
Derekterge sensek, Aqmola, ShQO, Qaraǵandy jáne Qostanaı oblysynda birneshe jol bóligi áli kúnge ashylmaǵan.
«О́ńirlerdegi turǵyndardyń alys jolǵa shyqpaǵany jón. Aýa-raıy boljamyn udaıy nazarda ustaǵan lázim. Avtokólikpen qar qursaýynda qalǵandar bolsa, 1403 nómirine habarlasqany durys», delingen kompanııa baspasóz qyzmetiniń habarlamasynda. Sondaı-aq «QazAvtoJol» ulttyq kompanııasy jol qozǵalysyn retteý maqsatynda 1100 qyzmetker men 650 birlik arnaıy tehnıkany jumyldyrǵan.