Bul týraly Qazaqstan qurylysshylary qaýymdastyǵynyń tóraǵasy Vıktor Mıkrıýkov málimdedi, dep habarlaıdy Egemen.kz.
Qazaqstan qurylysshylary qaýymdastyǵynyń tóraǵasy atap ótkendeı, qurylys quny 10%-ǵa kóterilgen.
«Qurylys materıaldary orta eseppen 10-25%-ǵa qymbattady. Sonymen qatar eger biz qurylys materıaldarynyń qıyrshyq tas, armatýra jáne basqasy sııaqty jekelegen pozısııalaryn alsaq, onda olar 100%-dan astam qymbattady deýge bolady. Armatýranyń baǵasy normaǵa, ıaǵnı, tonnasyna 250 myń teńge qunyna keledi dep úmittenemiz. Biraq ázirge bul boljam», dedi Vıktor Mıkrıýkov.
Sondaı-aq ol qurylys materıaldary qashan arzandaýy múmkin ekenin aıtty.
«2021 jyly armatýra quny 323 myń teńge bolsa, qazir 507 myń teńge. Jyldyń sońyna qaraı biz tek qunnyń tómendeýin kútemiz. Beton boıynsha turaqty ósý úrdisi baıqalady. Gazoblok boıynsha baǵa jyldyń sońyna qaraı tirkeledi. Biraq materıaldardyń barlyq baǵasy túsip, sharshy metrdiń ózindik quny arzandaıdy dep kútýdiń qajeti joq», dep sanaıdy Vıktor Mıkrıýkov.