30 naýryz kúni Aqtaýda eki jasar ıtbalyq tabylyp, Kaspıı ıtbalyǵyn zertteý jáne ońaltý ortalyǵyna jetkizildi, dep habarlaıdy Egemen.kz
Ońaltý ortalyǵyna jetkizilgen janýar veterınarlyq emdeý kýrsynan ótti. Keshendi ońaltýdy júrgizý qorytyndysy boıynsha ıtbalyqty tabıǵı mekendeý ortasyna qaıtarý týraly sheshim qabyldandy.
«Alǵashqy tekserý kezinde ıtbalyqtyń aýyr jaraqattary joq ekendigi anyqtaldy. Alaıda, janýar qatty álsiredi, kózdiń qabyný aýrýy da boldy. Bizdiń ortalyqtyń qyzmetkerleri Kaspıı endemıkasyna keshendi tekserý júrgizip, ońaltý baǵdarlamasyn anyqtady, sondaı-aq odan ári zerthanalyq zertteýler úshin bıologııalyq synamalar (jún, qan, murynnyń, kózdiń shyryshty qabyǵynyń materıaldary jáne t.b.) aldy», dep túsindirdi ekolog, Kaspıı ıtbalyǵyn zertteý jáne ońaltý ortalyǵy Ǵylymı keńesiniń tóraıymy Ásel Tasmaǵambetova.