Batys Qazaqstan oblysy Qaratóbe aýdany Qoskól aýyldyq okrýginiń shalǵyn aýylynda turǵyn úıler sý astynda qaldy, dep habarlaıdy Egemen.kz.
BQO tótenshe jaǵdaılar departamentiniń baspasóz qyzmeti habarlaǵandaı, sý tasqyny 31 naýryz kúni keshke bolǵan. Aýyl 22 saǵatqa jýyq ýaqyt boıy sý astynda qalǵany týraly habardan keıin Oraldan Qaratóbe aýdanyna arnaıy tehnıka shyqty.
«Qazirgi ýaqytta TJ departamenti men oblys basshylyǵy sý basý qaýpi bar aýmaqtaǵy jaǵdaıdy baǵalaý maqsatynda tikushaqpen ushyp ketti. Shalǵyn aýylyndaǵy sý basqan 25 úıdiń turǵyndary mádenıet úıine kóshirildi. Turǵyndardy kóshirý máselesi qarastyrylýda. Shalǵyn aýyly baqylaýda», dep habarlady vedomstvodan.