2022 jylǵy 31 Naýryzda Igor Rogovtyń tóraǵalyǵymen Qazaqstan Respýblıkasy quqyq qorǵaý organdarynyń qyzmetinde adam quqyqtaryn saqtaýdyń ózekti máselelerine arnalǵan QR Prezıdenti janyndaǵy Adam quqyqtary jónindegi komıssııanyń otyrysy ótti, dep habarlaıdy Egemen.kz.
Ishki ister mınıstriniń orynbasary Qaırat Súntaev pen QR Bas prokýrorynyń orynbasary Erlik Kenenbaev baıandama jasady.
Komıssııa jumysyna Qazaqstan Respýblıkasy bıliginiń zań shyǵarýshy, atqarýshy jáne sot tarmaqtary organdarynyń ókilderi, halyqaralyq jáne úkimettik emes uıymdardyń, advokatýranyń, bilim, ǵylym jáne mádenıet uıymdarynyń qyzmetkereri, jurtshylyq pen BAQ ókilderi qatysty.
Komıssııa otyrysynda Qazaqstan Respýblıkasynyń Konstıtýsııasy jáne zańdarymen, BUU-nyń Azamattyq jáne saıası quqyqtar týraly, azaptaýlarǵa qarsy Konvensııamen jáne Qazaqstan Respýblıkasy ratıfıkasııalaǵan basqa da halyqaralyq sharttarmen kepildik berilgen quqyq qorǵaý organdarynyń qyzmeti barysynda azamattar men ózge de tulǵalardyń quqyqtaryn saqtaý jáne qamtamasyz etýdiń ózekti máseleleri talqylandy.
Otyrys barysynda memlekettik qyzmetshiler, quqyq qorǵaý organdary men quqyq qorǵaý ÚEU qyzmetkerleri, qalyń jurtshylyq úshin «Qazaqstanda adam quqyqtaryn qorǵaýdyń ulttyq jáne halyqaralyq tetikteri» taqyrybynda oqytý semınar-trenıngterin ótkizýdiń ózekti máseleleri talqylandy.
Komıssııanyń otyrysynda ázirlengen onyń usynymdary Memleket basshysynyń, Parlamenttiń jáne Qazaqstan Respýblıkasy Úkimetiniń nazaryna jetkiziletin bolady.