Aqparat jáne qoǵamdyq damý mınıstrliginiń (budan ári – Mınıstrlik) Qoǵamdyq keńesin qalyptastyrý jónindegi jumys toby «Qoǵamdyq keńester týraly» 2015 jylǵy 2 qarashadaǵy QR Zańynyń (budan ári – Zań) 9-babyna jáne Aqparat jáne qoǵamdyq damý mınıstrliginiń 2021 jylǵy 26 aqpandaǵy №69 buıryǵymen bekitilgen Qoǵamdyq keńes týraly Úlgilik erejege sáıkes, Qoǵamdyq keńes músheligine kandıdattardy irikteý boıynsha konkýrs jarııalaıdy, dep habarlaıdy Egemen.kz.
Konkýrsty ótkizý merzimi: 10 jumys kúni.
Qoǵamdyq keńestiń sandyq quramy: 30 adam.
Zańnyń 10-babynyń 1-tarmaǵyna sáıkes Qazaqstan Respýblıkasynyń on segiz jasqa tolǵan azamaty Qoǵamdyq keńes músheligine kandıdat bola alady.
Qoǵamdyq keńes músheligine kandıdat:
Qazaqstan Respýblıkasynyń zańnamasynda belgilengen tártippen ótelmegen nemese joıylmaǵan sottylyǵy bolmaýy kerek; Zańda belgilengen tártippen sybaılas jemqorlyq qylmys jáne (nemese) sybaılas jemqorlyq quqyq buzýshylyq jasaýda Sot kináli dep tanymaǵan bolýy kerek. psıhıkalyq, minez-qulyqtyq, onyń ishinde psıhıkaǵa belsendi áser etetin zattardy tutynýǵa baılanysty buzylýshylyqtardyń (aýrýlardyń) sebebi boıynsha psıhıkalyq densaýlyq salasynda medısınalyq kómek kórsetetin uıymdarda esepte turmaýy kerek.Konkýrsqa qatysýǵa nıet bildirgen azamattar, kommersııalyq emes uıymdardyń ókilderi habarlandyrý ornalastyrylǵan kúnnen bastap on jumys kúni ishinde kelesi qujattardy tapsyrady:
1) kandıdatýrany Qoǵamdyq keńestiń quramyna usyný týraly kommersııalyq emes uıymnyń jazbasha usynysy jáne (nemese) azamattyń ótinishi;
2) ómirbaıan derekteri kórsetile otyryp, kandıdattyń kásiptik jáne (nemese) qoǵamdyq qyzmeti týraly málimetter;
3) sottalmaǵan bolýy týraly anyqtama;
4) psıhıkalyq, minez-qulyqtyq, onyń ishinde psıhıkaǵa belsendi áser etetin zattardy tutynýǵa baılanysty buzylýshylyqtardyń (aýrýlardyń) bolýy ne bolmaýy týraly anyqtama usynylady.
Qoǵamdyq keńes músheligine kandıdat osy tarmaqtyń birinshi bóliginiń 3-shi jáne 4-shi tarmaqshalarynda kózdelgen anyqtamalardy óz betinshe nemese óziniń qatysýymen Qoǵamdyq keńes qurylatyn memlekettik organnyń nemese kvazımemlekettik sektor sýbektisiniń aqparattyq júıelerinen talap etip aldyrýyna bolady.
Qujattar 2022 jylǵy 15 sáýirge deıin Nur-Sultan qalasy, Esil aýdany, Máńgilik El dańǵyly, 8-ǵımarat mekenjaıy boıynsha qolma-qol qabyldanady. Telefon nómiri: 74-03-56, 74-18-37 nemese elektrondyq ilyas.issabekov@qogam.gov.kz mekenjaıyna joldaýǵa bolady.