Jyl basynda bolǵan qańtar oqıǵalarynan keıin men Qazaqstandaǵy jaǵdaıdy, eldiń damý baǵytyn erekshe nazarda ustap kelemin. Osyǵan oraı Qazaqstandy demokratııalandyrý, ekonomıkalyq yryqtandyrý jáne Prezıdent Qasym-Jomart Toqaevtyń eliniń ashyqtyǵy úshin qolǵa alǵan ınstıtýsıonaldyq reformalary men eldi jańǵyrtý úderisine tolyq qoldaý bildirgim keledi.
Shynaıy parlamenttik demokratııaǵa aınaldyrýǵa baǵyttalǵan Parlamenttiń qos palatasynyń birlesken otyrysynda usynylǵan reformalar, sózsiz, qazaqstandyqtardyń úmit-senimine naqty jaýap boldy.
Bizdiń dostyq tobymyz kóppartııalyq júıeniń paıda bolýyna, Parlamenttiń rólin nyǵaıtýǵa jáne adam quqyqtaryn odan ári qurmetteýdi maqsat tutqan is-sharalardy erekshe qoldaıdy. Parlamentaralyq baılanystarymyzdyń sheńberinde bizdiń dostyq tobymyz osy aýqymdy saıası transformasııany júzege asyrýda Qazaq elimen birge bolatynyn da erekshe aıtqym keledi.
Sonymen qatar Reseıdiń Ýkraınaǵa baǵyttaǵan áskerı is-qımyly kezinde Qazaqstan ustanǵan beıtaraptylyq jáne ýkraın halqyna kórsetken gýmanıtarlyq kómek te Jańa Qazaqstandy ulttar kóshinde táýelsiz jáne qurmetti memleket etýge degen nıettiń aıqyn belgisi.
Fransııa – Ortalyq Azııa parlamentaralyq dostyq toby Prezıdent Q.Toqaevqa Qazaqstandy jańǵyrtý maqsatyna baǵyttaǵan jobasyn iske asyrýda qoldaý bildire otyryp, reformalarynyń oń nátıje kórsetýine senim bildiredi.
Erve MORE,
Fransııa – Ortalyq Azııa parlamentaralyq dostyq tobynyń tóraǵasy (Fransııa)