Qarjylyq monıtorıng agenttiginiń Atyraý oblysy boıynsha aýmaqtyq departamenti «Suıytylǵan munaı-gazyn saqtaý parki» JShS basshylyǵyna qatysty QR QK 221-baby 2-bóligi boıynsha sotqa deıingi tergeý júrgizýde, dep habarlaıdy Egemen.kz agenttiktiń baspasóz qyzmetine silteme jasap.
«2017-2021 jyldary «SMGSP» basshylyǵy suıytylǵan munaı-gazyn qaıtalama kóterme saýdada ótkizý naryǵyndaǵy ústem jaǵdaıdy paıdalana otyryp, suıytylǵan munaı-gazyn qabyldaý, saqtaý jáne quıý qyzmetterine monopolııalyq joǵary baǵalardy belgilep, bekitken», delingen habarlamada.
«SMGSP» JShS zańsyz tapqan somasy 2 081 659 968 teńgege jetken. Ol tolyq kólemde qaıtaryldy.
Sotqa deıingi tergeý jalǵasýda. QR QPK-niń 201-babyna sáıkes ozge de derekter jarııalaýǵa jatpaıdy.