Eriktiler 4 tonnaǵa jýyq gýmanıtarlyq kómektiń úsh júz kelisin bir kúnde jınap úlgergen, dep habarlaıdy Egemen.kz «Astana» telearnasyna silteme jasap.
Balalar kıimi men dári-dármek, turmysqa eń qajetti zattardy Qazaqstandaǵy túrli ulttyń ókilderi tapsyrǵan. Qaıyrymdylyqqa kezinde Ýkraınadan Qazaqstanǵa jer aýdarylǵan ýkraındyqtardyń urpaqtary belsene atsalysty.
Gýmanıtarlyq qoldaý Shtaby eriktileriniń aıtýynsha, qazaq eli Ýkraınaǵa áskerı operasııa bastalǵaly 130 tonna kómek jibergen.
«Gıgıenalyq zattar men dári-dármek, kıim-keshek. Qazir eń qajetti zattar – osylar. Búginde Ýkraınada kóptegen eldi meken turǵyndary eshqaıda shyǵa almaı otyr. Sondyqtan 100 teńgeniń ózi Ýkraınaǵa úlken kómek bolady», dedi Ýkraınanyń qazaqstandaǵy tótenshe jáne ókiletti elshisi Petr Vrýblevskıı.