Reseılik «Aeroflot» avıakompanııasy 23 sáýirden bastap Máskeýden Qazaqstannyń alty qalasyna tikeleı turaqty reısterdi iske qosady. Bul rette Sochıge buryn josparlanǵan reıster toqtatylady, dep habarlaıdy Egemen.kz tasymaldaýshynyń resmı saıtyna silteme jasaı otyryp.
Almaty, Nursultan, Aqtaý, Atyraý, Aqtóbe jáne Qaraǵandyǵa ushatyn reısterdiń operatory retinde Reseı avıakompanııasy áreket etedi. Reıster otandyq Superjet 100 ushaqtarynda oryndalatyn bolady. Saıtta atap ótilgendeı, Qazaqstanǵa ushýdyń qoldanystaǵy kestesi avıakompanııanyń saıtynda ornalastyrylǵan. Basty bette Qazaqstannyń 11 qalasyna ushýdy tańdaýǵa bolady.
7-22 sáýir aralyǵynda Aqtaý, Atyraý jáne Aqtóbeden Sochıge josparlanǵan áýe reısteri toqtatylady. Al 23 sáýirden bastap Sochı men Almaty, Nur-Sultan arasyndaǵy ushaqtar usha bastaıdy.
Buǵan deıin reseılik avıakompanııa 25 naýryzdan bastap Sochıden Aqtaý, Aqtóbe, Almaty, Atyraý jáne Nur-Sultan qalalaryna reısterdiń iske qosylatynyn habarlaǵan bolatyn.