Bıyl kolledjderde bilim alý úshin granttar sany 45 myńǵa artady, al barlyǵy 125 myń grant bólinedi, dep habarlaıdy Egemen.kz Bilim jáne ǵylym mınıstrligine silteme jasap.
Halyqtyń áleýmettik osal toptarynan shyqqan balalarǵa arnaıy granttar qarastyrylǵan, ol úshin «Bilim týraly» Zańǵa ózgerister engizildi. Endi kóp balaly otbasylardan shyqqan balalarǵa – granttardyń 5%, tolyq emes otbasylardan shyqqan balalarǵa - 1%, fızıkalyq múmkindikteri shekteýli balalary bar otbasylardan shyqqan balalarǵa-1% bólinedi dep josparlanǵan.
О́tken jyly kolledjderge qabyldaý 10 myńǵa artyp, 166 myń adamdy qurady, onyń ishinde 93 myńnan astamy memlekettik tapsyrys boıynsha (tegin oqýǵa) tústi, sonyń ishinen 67%-y kvotalyq sanattar boıynsha ótti (61,9 myń adam). Búgin biz tehnıkalyq mamandyqtarǵa suranystyń artyp kele jatqanyn kórip otyrmyz, bul týraly Memleket basshysy da aıtty, sondyqtan 2025 jylǵa deıin memlekettik tapsyrystyń 70%-yn (qazir 45%) metallýrgııa, IT, qurylys, ınjenerııa jáne qyzmet kórsetý sııaqty baǵyttar quraıtyn bolady.
Búginde ákimdikter janyndaǵy arnaıy komıssııalar óńirlerde suranysqa ıe mamandyqtar tizimin jasap jatyr. 30 sáýirden bastap oblystardyń jáne Nur-Sultan, Almaty jáne Shymkent qalalarynyń bilim basqarmalarynyń saıttarynda memlekettik tapsyrys kózdelgen mamandyqtar týraly aqparatpen tanysýǵa bolady.