Elordada jylý berý maýsymy aýa temperatýrasy +10 S-ǵa jetkende aıaqtalady. Sondaı-aq ol týraly turǵyndarǵa aldyn ala eskertiledi, dep habarlaıdy Egemen.kz.
«Nur-Sultan qalasynda jylý maýsymyna daıyndyq jáne jyl berý týraly erejeniń 42-tarmaǵyna sáıkes aýa temperatýrasy +10 S jáne odan joǵary bolǵan kezde kúntizbelik bes kún ishinde Nur-Sultan qalasynyń jergilikti atqarýshy organdary jylý maýsymyn toqtatý týraly sheshim qabyldaıdy», dep jaýap berdi qalalyq ákimdiktiń baspasóz qyzmeti.
Sondaı-aq resmı habarlamada jaýapty mekemeler jylytý maýsymynyń aıaqtalýy týraly aldyn ala 3 kún buryn BAQ arqyly jarııalaıtyny aıtylǵan.
Aıta ketsek, elordada jylý elektr ortalyǵy qyzmetkerleriniń jalaqysy 20%-ǵa artty. Ol týraly qala ákimi Altaı Kólginov málim etken edi.