Qazaqstannyń birinshi, álemniń 37-raketkasy Aleksandr Býblıktiń Monte-Karlo masters týrnırindegi qarsylasy anyqtaldy, dep habarlaıdy Egemen.kz.
A.Býblık alǵashqy aınalymda qazirgi kezde dúnıejúzilik 236-orynda turǵan shveısarııalyq, «Úlken dýlyǵa» týrnırleriniń úsh dúrkin jeńimpazy Stanıslas Vavrınkamen sheberlik baıqasady. О́tken jyly osy iri jarysta qazaqstandyq tennısshi bastapqy kezdesýinde-aq súringen bolatyn. Bıyl Monte-Karlo dodasy 10-17 sáýir aralyǵynda ótedi. Onda álemniń 1-raketkasy, serbııalyq Novak Djokovıch bastaǵan mańdaıaldy tennısshiler óner kórsetedi.