Túrkistan oblysynda osy jyldyń úsh aıynda 411 urlyq tirkelgen. Onyń ishinde 158-i – páter urlyǵy, dep habarlaıdy Egemen.kz.
«Bizdiń polıseıler páter urlyǵynyń aldyn alý baǵytynda aýqymdy is-sharalar atqaryp keledi. Mysaly, ýchaskelik polısııa ınspektorlary ózine bekitilgen ákimshilik aýmaqtaǵy jergilikti halyqpen turaqty túrde «Urylardan saq bol», «Páter urylary» taqyrybynda kezdesý, túsindirý jumysyn júrgizedi. Adamdar kóp shoǵyrlanatyn oryndarǵa eskertpe mátinder, úlken bılbordtar ilinip, taratylady», dedi Polısııa departamenti Krımınaldyq polısııa basqarmasynyń bólim bastyǵy Erdáýlet Amantaev
Sonymen qatar telearnalarǵa, aqparattyq saıttarǵa, áleýmettik jelilerge eskertý retinde daıyndalǵan beınerolıkter jarııalanady.