QR Premer-Mınıstriniń orynbasary Eraly Toǵjanov eHealth elektrondy densaýlyq saqtaý baǵdarlamasynyń iske qosylý merzimin atady, dep habarlaıdy Egemen.kz.
«Qazirgi ýaqytta densaýlyq saqtaýdy sıfrlandyrý salasyndaǵy negizgi mindet - Densaýlyq saqtaý mınıstrliginiń jáne onyń vedomstvolyq baǵynysty uıymdarynyń bytyrańqy aqparattyq júıelerin biriktirý. Bul máseleni sheshý úshin búgingi tańda eHealth elektrondy densaýlyq saqtaýdyń jańa sıfrlyq baǵdarlamasyna kóshý júzege asyrylýda, onyń aıasynda azamattardyń ulttyq elektrondy densaýlyq pasportyn qalyptastyrýdy, mıkroservıstik arhıtektýrany paıdalaný jáne etalondyq derekter bazasyn qurýdy qamtamasyz etý josparlanyp otyr», dep jazdy E.Toǵjanov depýtattyq saýalǵa bergen jaýabynda.
Onyń aıtýynsha, 2022 jyly eHealth ıadrosynyń negizgi komponentterin iske qosý josparlanǵan, al onyń tolyq iske qosylýy 2023 jylǵa josparlanǵan.
«Qazirgi ýaqytta eHealth ıadrosynyń bazalyq komponentterin ázirleý bóliginde DSM AJ túrlendirý boıynsha jumys júrgizilýde. Modıfıkasııalar sheńberinde «Sıfrlyq bostandyq» qaǵıdatyn iske asyrýdy qamtamasyz etý josparlanýda, oǵan sáıkes derekterdi joǵaltpaı medısınalyq aqparattyq júıeler arasynda derekterdi berý múmkindigi usynylady, bul medısınalyq uıymdardyń MAJ-ǵa táýeldiligin boldyrmaýǵa múmkindik beredi. Búgingi tańda «vaksınasııa», «vaksınasııanyń elektrondyq pasporty», «klınıkalyq aqparattyń ortalyq qoımasy» modýlderi iske qosylady», dep atap ótti vıse-premer.