Búgin Ortalyq saılaý komıssııasynyń tóraǵasy Nurlan Ábdirovtiń tóraǵalyǵymen vedomstvo otyrysy ótti. Onda QR Parlamenti Májilisinen shyqqan depýtattardyń ornyna saılanatyn kandıdattardy tirkeý máselesi qaraldy, dep habarlaıdy Egemen.kz.
Qazaqstan halqy Assambleıasy Parlament Májilisine eki kandıdatty usyndy.
Daýys berý 28 sáýirge josparlanǵan.
Qazaqstan halqy Assambleıasy keńesiniń sheshimimen Májilis depýtattyǵyna kelesi kandıdattar usynyldy:
1) Kýzıev Zakırjan Pırmýhamedovıch – 1969 jyly týǵan. Almaty qalasynyń turǵyny, ulty - uıǵyr. «Ýnıversal» JShS Baqylaý keńesiniń tóraǵasy;
2) Tvarıonas Vıtalıı Iono – 1964 jyly týǵan. Qaraǵandy qalasynyń turǵyny, ulty - lıtvalyq, «Vıkıng» «Memlekettik emes kúzet qurylymy» JShS zańgeri.
Ortsaılaýkom músheleri joǵaryda atalǵan kandıdattardy tirkeý týraly qaýly qabyldady. Endi úmitkerler saılaý bıýlletenine engiziledi.
Aıta ketsek, saılaý bıýlletenine «bárine qarsymyn» baǵany engiziledi. Saılaý bıýlletenderi memlekettik jáne orys tilinde basylady.