Saılaý júıesin jetildirýge qatysty usynystar aıtyldy

Kezdesýge Memleket bas­shy­synyń naýryzdaǵy Qazaq­stan halqyna Joldaýynda aı­tylǵan saılaý prosesin jań­ǵyrtý jónindegi bastamalaryn túsindirý jáne talqylaý arqaý boldy. Jıynǵa qatysýshylar mańyzdy qujatta usynylǵan tyń bastamalardy oń baǵalap, ókildik bılik organdaryn saılaýdaǵy aralas saılaý júıesine basa nazar aýdardy. Olardyń pikirinshe, alda­ǵy ýaqytta Májilis depýtat­tary sanynyń jartysy majo­rıtarlyq prınsıp bo­ıynsha saılanýǵa tıis. Basqo­sýda oblys ákimderiniń saılan­baly­lyǵyn engizý, saılaý jarnasyn tómendetý, depýtattyqqa kandıdattar úshin salyq deklarasııalaryn tapsyrý rásimderin qaıta qaraý jáne múmkindigi shekteýli jandardy ilgeriletý týraly usynystar alǵa tartyldy.

Sonymen qatar kezdesýde saılaý komıssııalaryn qurý jáne olardyń qyzmeti, ba­qylaýshylardyń quqyqtary men ókilettikteriniń saqtalýy, olardy júıeli túrde oqy­tý, saılaý ýchaskelerin beıne­baqylaý kameralarymen jab­dyqtaý máseleleri qozǵaldy. Mazmundy ári belsendi túrde ótken pikirtalas kezinde balama usynystar men pikirler de aıtyldy.

Saılaý prosesindegi Exit poll róli, sondaı-aq osy rásim­di táýelsiz qoǵam­dyq uıym­dar­dyń qatysýymen ótkizý múm­kindigi sóz boldy. Osy máse­le­ni kóte­rip, sóz alǵandar mun­daı saýal­nama­ny júrgizý saı­laýshylardyń saıası má­de­nıetin arttyryp, saılaýdyń ashyq­­­ty­ǵyn qamtamasyz ete­tin­digin alǵa tartty.

О́ńirdegi issapardyń ma­ńyzdy bóligi stýdentter já­ne jastar uıymdarynyń ókil­derimen kezdesý boldy. Er­kin dıalog formatynda ótken bas­qosýda elektrondy daýys berý júıesin engizý, onyń ba­symdyqtary men kemshilik­teri syndy máseleler tal­qyǵa tústi. Jastardyń kópshi­ligi elektrondy daýys be­rýdiń tıimdiligi men qarapaıym­dylyǵyn atap ótse, ózgeleri bul júıege qatysty birqatar qaýip-qater bar ekenin aıtty.

Keleli jıynda jastar aýdıtorııasy saılaý prosesiniń ózekti taqyryptary boıynsha ótkizilgen onlaın saýaldamaǵa qatysty. Saýaldama nátı­je­leri respondentterdiń 43,8%-y – elektrondy, 42,9%-y aralas daýys berý júıesin engi­zýdi qoldaıtynyn kórsetti. Sondaı-aq respondentterdiń 68,8%-y Prezıdenttikke kandıdat memlekettik tildi bilýge tıis jáne lıngvıstıkalyq emtıhan tapsyrý mindetti dep sanaıdy. Al saýalnamaǵa qatysýshylardyń 61,6%-y sottylyǵy bar azamatty Pre­zıdent, depýtat, ákim sekildi saılanbaly laýazymdarǵa usynýǵa jol berýge bolmaıdy dep sanaıdy.

О́ńir jastarymen ótken kezdesý sońynda N.Ábdirov olarǵa mazmundy ári tartymdy dıalog úshin alǵys aıtyp, Jańa Qazaqstandy qurýǵa belsendi qatysýǵa shaqyrdy.

Sapar aıasynda OSK tór­aǵasy Terekti aýdanyna qa­rasty Podstepnoe aýyldyq okrýginiń turǵyndarymen jáne osy aýyldyń 2021 jylǵy 25 shildede saılanǵan ákimi Serjan Mádıevpen kez­desti. Kezdesýde aýyl áki­mi óziniń saılaýǵa qatysý táji­rıbesimen bólisti. Aýyl tur­ǵyndary eldi mekende ótken saılaýdy jáne ózderi saılaǵan ákimniń jumysyn oń baǵalaıtyndaryn jetkizdi.

Aýyl ákimi laýazymyna kandıdattardyń barlyǵy qatysqan pikir almasý barysynda ashyq debat ótkizý, osy laýazymǵa kandıdattardyń mindetti túrde joǵary bilim­deriniń bolýy jáne zańdy bilý qajettigi týraly máseleler de qozǵaldy.

OSK tóraǵasynyń Batys Qazaqstan oblysynyń jurt­shylyǵymen kezdesýleri basqa óńirlerdegi sııaqty áleýmettik jelilerde translıasııa rejiminde kórsetildi. N.Ábdirovtiń kelesi jumys sapary Semeı qalasyna jos­parlanyp otyr.