Azııanyń aldy bolýǵa álimiz jete me?

Áńgimemizdi grek-rım kúresi sheber­lerinen bastasaq. 2017 jyly Nıý-Delıde ótken Azııa chempıonatynda Iran qura­masynyń qarqyny tym kúshti boldy. Sarapqa salynǵan segiz bas júldeniń teń jartysyn ıemdengen olar jalpy esepte kósh bastady. Qorjynynda eki altyny bar Japonııa ekinshi orynǵa jaıǵasty. Úshinshi jáne tórtinshi oryndardy Ońtústik Ko­reıa men Qazaqstan ózara bólisti. Eki koman­danyń altyny men kúmisi birdeı bol­ǵanymen, qarsylastarymyz bir qola ar­tyq aldy. Nátıjesinde, biz tórtinshi satyǵa turaqtadyq. Úndi elinde Maqsat Ere­jepov erledi. 75 kılo salmaqta beldes­ken ol barlyq básekelesinen basym tústi. Meırambek Aınaǵulov (59 kılo), Almat Kebisbaev (66 kılo) jáne Damır Kúzem­baev (130 kılo) kúmis medaldy ıelense, Er­ulan Ysqaqov (98 kılo) qolaǵa qol sozdy.

2018 jyly Bishkekte Qazaqstannyń órenderi jaqsy kúresti. Sóıtip, jalpyko­mandalyq esepte jarqyrap aldan kórindi. Almat Kebisbaev (66 kılo) pen Ashat Dilmuhamedov (82 kılo) qarsylas shaq keltirmese, Demeý Jadyraev (72 kılo) pen Erulan Ysqaqov (97 kılo) fınalda utyldy. Meırambek Aınaǵulov (63 kılo) pen Maqsat Erejepov (77 kılo) úshinshi oryndy enshiledi. Sol sekildi Iran, О́zbekstan jáne Japonııanyń «klas­sıkteri» de eki altynnan oljalady. Ala­taýdyń arǵy betinde Qyrǵyzstan men Qy­taı balýandary bir-bir retten top jardy.

2019 jyly Sıanda jeti jerlesimiz jeńis tuǵyryna kóterilgenimen, birde-bir altynnyń bolmaýy saldarynan koman­dalyq saıysta myqtylar qatarynan kórine almadyq. Otandastarymyzdyń arasy­nan eń úzdik nátıjege Meıirjan Sher­mahanbet qol jetkizdi. 67 kılo salmaq­ta kúresken ol kúmis medaldy moınyna ildi. Qorlan Jaqansha (55 kılo), Demeý Jadyraev (72 kılo), Temirlan Shadýkaev (77 kılo), Maqsat Erejepov (82 kılo), Azamat Qustybaev (87 kılo) jáne Damır Kúzembaev (130 kılo) qola júldeni ıelendi. Tórt altyny bar Iran quramasy birinshi oryndy oljalady. О́zbek pen koreıler qos altyndy qorjynǵa salsa, qyrǵyzdar men qytaılar bir-bir retten sol mejeden kórindi.

2020 jylǵy baıraqty báseke qaıta Nıý-Delıde ótti. Bul joly da Parsy eli ókilderiniń qarqynyna eshkim shydamady. 10 altynnyń teń jartysy ırandyqtardyń enshisinde. Qalǵan bas júldeni Japonııa, О́zbekstan, Ońtústik Koreıa, Qazaqstan jáne Úndistannyń apaıtósteri ózara bólisti. Bizdiń balýandar arasynan Temirlan Shadýkaev (77 kılo) shashasyna shań juqtyrmady. Ibragım Magomadov (72 kılo) ekinshi oryn alsa, Qorlan Jaqansha (55 kılo), Azamat Qustybaev (87 kılo) jáne Mansur Shadýkaev (130 kılo) úshinshi satyǵa taban tiredi.

Byltyr qazaq jigitteri Almatyda jalaýy jelbiregen Azııa chempıonatynyń komandalyq esebinde kósh bastaý úshin baryn saldy. Aıdos Sultanǵalı (60 kılo) men Sultan Ásetuly (63 kılo) qarsy kelgenderin qoǵadaı japyrdy. Almat Kebisbaev (67 kılo) pen Álimhan Syz­dyqov (130 kılo) sheshýshi tusta ǵana súrinse, Demeý Jadyraev (77 kılo) pen Erulan Ysqaqov (97 kılo) úzdik úshtikti túıindedi. Desek te, osy nátıjeniń ózi sary qurlyqtyń eń úzdik komandasy ataný úshin jetkiliksiz boldy. Alataý baýraıynda da Parsy elinen kelgen pehlevandar aldymyzdy orady. Olar 4 altyn, 2 kúmis jáne 3 qolany qorjynǵa saldy. Qazaqstan ekinshi oryndy qanaǵat tutty. Sondaı-aq bas júlde alǵandar qatarynda Japonııanyń eki jáne Ońtústik Koreıa men О́zbekstannyń bir-bir balýany boldy.

Erkin kúresten 2017 jyly ótken Azııa chem­pıonatynda tek Aqjúrek Tańatarov­tyń altyn tuǵyrǵa kóterilýge kúsh-jigeri jetti. 70 kılo salmaqta saıysqa tús­ken qazaqtyń ór minezdi uly fınalda О́zbek­stannyń ataqty balýany, Rıo Olım­pıadasy men Azııa oıyndarynyń qola júldegeri, álem chempıonatynyń fınalısi Ihtıer Navrýzovtan basym tústi. Azamat Dáýletbekov (86 kılo) kúmis alsa, Nurıslam Sanaev (57 kılo) pen Dáýlet Nııazbekov (61 kılo) qola medaldy enshiledi. Jalpy esepte Iran (3 altyn+1 kúmis+4 qola) alǵa shyqty. Ekinshi orynda – О́zbekstan (2+1+1). Qazaqstan úshinshi satyǵa turaqtady.

2018 jyly da dál sol mejege taban tiredik. Nurıslam Sanaev (61 kılo) pen Dáýlet Nııazbekov (65 kılo) aldaryna jan salmasa, Ádilet Daýlynbaev (92 kılo) kúmispen kúpteldi. Jandos Ismaıylov (57 kılo), Meıirjan Áshirov (70 kılo), Danııar Qaısanov (74 kılo) jáne Azamat Dáýletbekovke (86 kılo) buıyrǵany qola medal. Alataýdyń arǵy betinde О́zbekstan (3+2+3) men Iran (3+1+2) quramalary aldymyzdy orady.rkin kúresten 2017 jyly ótken Azııa chem­pıonatynda tek Aqjúrek Tańatarov­tyń altyn tuǵyrǵa kóterilýge kúsh-jigeri jetti. 70 kılo salmaqta saıysqa tús­ken qazaqtyń ór minezdi uly fınalda О́zbek­stannyń ataqty balýany, Rıo Olım­pıadasy men Azııa oıyndarynyń qola júldegeri, álem chempıonatynyń fınalısi Ihtıer Navrýzovtan basym tústi. Azamat Dáýletbekov (86 kılo) kúmis alsa, Nurıslam Sanaev (57 kılo) pen Dáýlet Nııazbekov (61 kılo) qola medaldy enshiledi. Jalpy esepte Iran (3 altyn+1 kúmis+4 qola) alǵa shyqty. Ekinshi orynda – О́zbekstan (2+1+1). Qazaqstan úshinshi satyǵa turaqtady.

2019 jylǵy dúbirli doda Parsy eli ba­lýandarynyń aıqyn jeńisimen aıaqtaldy. Olar jeti ret jeńis tuǵyrynyń eń bıik satysynan qol bulǵady. Taǵy úsh sportshysy úshinshi oryndy ıelendi. Iаǵnı Irannyń barlyq ókili Sıandaǵy chempıonatta júlde aldy. Eki altyn, bir kúmis jáne eki qolasy bar qazaqstandyqtar komandalyq saıysta ekinshi oryndy enshiledi. Bizdiń órender arasynan Nurqoja Qaıpanov (70 kılo) pen Danııar Qaısanov (74 kılo) oza shapty. Saıatbek Oqasov (65 kılo) ekinshi satyǵa jaıǵasty. Ǵalymjan О́serbaev (79 kılo) pen Álisher Erǵalı (97 kılo) úshinshi oryndy ıemdendi.

2020 jyly Úndistannyń astanasynda Iran, Japonııa, Qazaqstan jáne Qyr­ǵyzstannyń ánurandary eki ret­ten shyrqaldy. О́zge júldelerdi qosa esep­tegende ırandyqtar (2+2+4) ozdy. Odan keıingi oryndarǵa japondar (2+1+4) men qazaqtar (2+0+4) jaıǵas­ty. Otan­dastarymyzdyń arasynan Danııar Qaısanov (74 kılo) pen Iýsýp Batyr­mýrzaevqa (125 kılo) teń keler eshkim bolmady. Dáýlet Nııazbekov (65 kılo), Meıirjan Áshirov (70 kılo), Ilıshan Chılaev (92 kılo) jáne Álisher Erǵalı (97 kılo) júldegerler sanatynan kórindi.

Byltyr Almatyda shymyldyǵy túril­gen sary qurlyqtyń basty dodasynda Talǵat Syrbaz (70 kılo), Nurqoja Qaı­panov (74 kılo) jáne Oleg Boltın (125 kılo) ózderiniń myqtylyǵyn pash etip, altyn medaldy moıyndarynda jarqyratty. Sheshýshi synda ózbek­stan­dyq Jahangermyrza Týborovtan aılasyn asyra almaǵan Adlan Asqarov (61 kılo) pen ırandyq Alı Shabanıge ese jibergen Álisher Erǵalı (97 kılo) kúmisti qanaǵat tutty. Bul jarysta bes balýanymyz fınalda kúreskenimen, komandalyq saıysta Irandy taǵy da alǵa jiberdik. Olar úsh altynnan bólek, úsh kúmis pen eki qolany qanjyǵaǵa baılady.

Mine, grek-rım jáne erkin kúresten ótken sońǵy bes Azııa chempıonatynyń nátıjeleri osyndaı. Jalpy alǵanda, qol jetkizgen osy tabysqa kóńilimiz tolady dep aıtýǵa bolady. Olaı deýge negiz, komandalyq saıysta kóbine-kóp úzdik úshtiktiń sanatynan kórinsek, keı kezderi jeke-dara kósh bastadyq. Ulanbatyrdaǵy jarysta da Qazaqstannyń beldi balýan­dary kúsh synasady. Olardyń deni ár jyldary sary qurlyqtyń basty dodalarynda olja salǵan balýandar. Sonymen qatar tórtkúl dúnıeniń teńdessizderi bas qosqan básekede de atoı salǵan jigitter bar. Olaı bolsa, bul joly Azııanyń aldyńǵy leginen kórinýge esh kedergi joq dep oılaımyz.

Grek-rım kúresinen 2021 jylǵy

Azııa chempıonatynyń jeńimpazdary men júldegerleri

55 kılo:    1. Iý Sıotanı (Japonııa), 2. Ilhom Bahromov (О́zbekstan),

Nurmuhammed Abdýllaev (Qyrǵyzstan) pen Pýıa Dadmarz (Úndistan).

60 kılo:    1. Aıdos Sultanǵalı (Qazaqstan), 2. Mehdı Mohsennedjab (Iran),

Kım Synhak (Ońtústik Koreıa) pen Aıata Sýzýkı (Japonııa).

63 kılo:    1. Sultan Ásetuly (Qazaqstan), 2. Meısam Dalhanı (Iran),

Hýan Dzıýchı (Taıpeı) men Chon Handje (Ońtústik Koreıa).

67 kılo:    1. Sýtıka Sımoıamada (Japonııa), 2. Almat Kebisbaev (Qazaqstan),

Hosseın Asadı (Iran) men Amantur Ismaılov (Qyrǵyzstan).

72 kılo:    1. Rıý Han Sý (Ońtústik Koreıa), 2. Rýslan Sarev (Qyrǵyzstan),

Taısı Horı (Japonııa) men Amınkavıanedjad (Iran).

77 kılo:    1. Pedjam Poshtam (Úndistan), 2. Daler Rezazade (Iran),

Demeý Jadyraev (Qazaqstan) pen Qaıratbek Toǵalbaev (Qyrǵyzstan).

82 kılo:    1. Jalǵasbaı Berdimuratov (О́zbekstan),

Kalıdın Asykeev (Qyrǵyzstan), 3. Satokı Mýkaı (Japonııa)

87 kılo:    1. Nasser Alızade (Iran), 2. Atabek Azısbekov (Qyrǵyzstan),

Rýstam Assakalov (О́zbekstan) pen Lı Synhvan (Ońtústik Koreıa).

96 kılo:    1. Mehdı Balı (Iran), 2. Kım Synjýn (Ońtústik Koreıa),

Erulan Ysqaqov (Qazaqstan) pen Beksultan Mahmudov (Qyrǵyzstan).

130 kılo:  1. Alı Aqbar Iýsefı (Iran), 2. Álimhan Syzdyqov (Qazaqstan),

Kım Mınjýn (Ońtústik Koreıa) men Murat Ramonov (Qyrǵyzstan).

Erkin kúresten 2021 jylǵy Azııa chempıonatynyń

jeńimpazdary men júldegerleri

57 kılo:    1. Ravı Kýmar Dahııa (Úndistan), 2. Alıreza Sarlak (Iran),

Nadırjon Safrov (О́zbekstan) pen Iýto Taeksıta (Japonııa).

61 kılo:    1. Jahangermyrza Týborov (О́zbekstan), 2. Adlan Asqarov (Qazaqstan),

Soıa Sımae (Japonııa) men Ikromjon Hadjımýrodov (Qyrǵyzstan).

65 kılo:    1. Takýto Otogýro (Japonııa), 2. Badjrang Pýnııa (Úndistan),

Chon Ensok (Ońtústik Koreıa) pen Morteza Gıası (Iran).

70 kılo:    1. Talǵat Syrbaz (Qazaqstan), 2. Sırojıdın Hasanov (О́zbekstan),

Islambek Orozbekov (Qyrǵyzstan) pen Karan Mor (Úndistan).

74 kılo:    1. Nurqoja Qaıpanov (Qazaqstan), 2. Mustafa Hosseınhanı (Iran),

   Ihtıer Naýryzov (О́zbekstan) pen Zandandýdyn Sýmııabazar (Mońǵolııa).

79 kılo:    1. Kon Benmın (Ońtústik Koreıa), 2. Alı Savadhýkı (Iran),

Narsıngh Iаdav (Úndistan) pen Saıaqbaı Iýsýpov (Qyrǵyzstan).

86 kılo:    1. Hasan Iаzdanı (Iran), 2. Dıpak Pýnııa (Úndistan),

Kım Kvan (Ońtústik Koreıa) men Mustafa Abdýl-Bazıt (Irak).

92 kılo:    1. Kamran Gasempýr (Iran), 2. Menhbaataryn Sogtgerel (Mońǵolııa),

Kvon Hekbom (Ońtústik Koreıa) men Sanjıt (Úndistan).

97 kılo:    1. Alı Shabanı (Iran), 2. Álisher Erǵalı (Qazaqstan),

Takası Isıgýro (Japonııa) men Satıavart Kadıan (Úndistan).

125 kılo:  1. Oleg Boltın (Qazaqstan), 2. Aıal Lazarev (Qyrǵyzstan),

Amın Taherı (Iran) men Jorjhandyn Hýderbýlga (Mońǵolııa).