Portýgalııanyń Maıa qalasynda tennısten jasóspirimder arasyndaǵy Tennis Europe dep atalatyn dástúrli halyqaralyq sýper týrnır óz máresine jetti.
Atalǵan jarysta qazaqtyń asa daryndy tennısshisi Zańǵar Nurlanuly da óner kórsetti. Slovenııalyq Zıgo Sheshkomen jup quraǵan ol bastapqy básekelerdiń barlyǵynda jeńiske jetip, jartylaı fınalda reseılik Savva Rybakın men túrkııalyq Mustafa Egeden basym tústi – 6:3, 6:4. Fınalda germanııalyq Dıego Palomero men Nıls Makdonaldpen bas júldeni sarapqa saldy. Úsh saǵatqa sozylǵan bul saıys 6:1, 5:7, 5:10 esebimen nemis oıynshylarynyń paıdasyna sheshildi. Sondaı-aq Zańǵardyń jekelegen saıysta úshinshi kezeńge deıin jetkenin de atap ótken jón. Bul mejede qandasymyz Rýmynııanyń ókiline ese jiberdi.
Eýropanyń chempıondyq reıtınginde kósh bastap kele jatqan Z.Nurlanuly buǵan deıin de kóptegen halyqaralyq týrnırde top jarǵanyn jankúıerler jaqsy biledi. Endi ol Úndistanda ótetin álem birinshiliginde Qazaq eliniń namysyn qorǵaıdy. Bul jarys 18 sáýirde bastalady.