Keshki ýaqytta Shardara APB kezekshi bólimine tabıǵatty qorǵaý polısııasy qyzmetkerlerinen Shardara sý qoımasyndaǵy reıdtik is-sharalar barysynda brakonerlerdi ustaý faktisi boıynsha habarlama kelip tústi, dep habarlaıdy Egemen.kz polisia.kz saıtyna silteme jasap.
Oqıǵa ornyna kelgen jedel-tergeý tobynyń qyzmetkerleri eki jergilikti turǵynnyń Qytaı jelileriniń kómegimen zańsyz balyq aýlaǵanyn anyqtady. Zattaı dálel retinde brakonerlerden rezeńke qaıyq, projektor, elektr generatory, balyq aýlaý torlary, sondaı-aq shamamen 140 kg tuqy, 11 kg kúmis tuqy jáne 1 kg kókserke tárkilendi. Tártip saqshylary kúdiktilerdi oqıǵanyń barlyq mán-jaıyn anyqtaý úshin aýdandyq bólimge jetkizdi.
Qazirgi ýaqytta atalǵan fakti boıynsha QR QK 335-babynyń 3-bóligi «Balyq resýrstaryn, basqa sý janýarlaryn nemese ósimdikterin zańsyz aýlaý» boıynsha sotqa deıingi tergeý júrgizilýde.
Aıana Toǵanbek