О́skemen dárigerleri salmaǵy 750 gramm shala týǵan náresteni aman alyp qaldy. Olar alaqanǵa syıyp ketetindeı balany saqtap qalý úshin birneshe aı kúresken, dep habarlaıdy Egemen.kz.
ShQO Densaýlyq saqtaý basqarmasynyń baspasóz hatshysynyń aıtýynsha, Mustafa 2021 jyly 16 jeltoqsanda júktiliktiń 25-aptasynda dúnıege kelgen. Týǵanda náresteniń salmaǵy 750 gramnan sál asatyn.
Bes aı boıy biz onyń ómiri úshin kúrestik. Al bala bolsa, naǵyz jaýynger, bizge kómektesti. Qazir sábıimizdiń salmaǵy úsh keliden asady, dedi emdeýshi dáriger, neonatolog Janna Muqanova YK-news.kz tilshisine.
Aıta keteıik, Mustafa – otbasyndaǵy besinshi bala. Ony úıde anasymen birge tórt ápkesi kútip otyr.
«Aqyryna deıin kúresińiz, ózińizge nemese balalaryńyzǵa bir mınýt bolsa da kúmándanbańyz. Siz árqashan keremetke, ǵajaıypqa senýińiz kerek. Ulym úsh aı jansaqtaý bóliminde jatqanda maǵan ony kúnde kórýge ruqsat berdi. Men balamnyń ápkeleri týraly aıtyp, ony qalaı kútip júrgenin aıtyp, qasyna barar ýaqytymdy sanap otyrdym», deıdi sábıdiń anasy.