Saýda jáne ıntegrasııa mınıstrligi saýda komıteti tóraǵasynyń orynbasary Aıdar Ábildabekov málim etkendeı, Almaty qalasyndaǵy «Altyn orda» bazarynyń qyzmetin tekserý barysynda 1 mıllıard 600 mıllıon teńge kólemindegi zańbuzýshylyq anyqtaldy, dep habarlaıdy Egemen.kz.
«Memleket basshysynyń tikeleı tapsyrmasyna sáıkes, Bas prokýratýra elimizdegi saýda oryndary men bazarlardyń qyzmetin tekserýdi tapsyrdy. Osy oraıda barlyq óńirde arnaıy toptar quryldy. Olardyń quramyna jergilikti ákimdik, salyq, saýda departamenti, básekelestikti qorǵaý jáne damý departamenti men basqa da quzyrly organ ókilderi kirdi. Osylaısha «Altyn orda» bazarynyń qyzmetin 70 adamnan turatyn top tekserdi. Tekserý barysynda 1 mıllıard 600 mıllıon teńge kólemindegi kemshilik tabyldy», dedi A. Ábildabekov.
Onyń aıtýynsha, tekserý nátıjeleri áli tolyq shyqpaǵan.
«Máselen bazardaǵy keıbir nysandar zańsyz salynǵan. Bazardy tekserýdiń tolyq qorytyndysy áli shyqpaǵan. О́ıtkeni atqarylǵan jumys óte aýqymdy. Meniń aıtyp otyrǵanym - bizge jetken alǵashqy derekter», dedi ol.
Aıta ketsek, «Altyn orda» - elimiz boıynsha ǵana emes, Ortalyq Azııadaǵy eń iri bazarlardyń biri. Onyń aýmaǵy - 28-29 gektardy quraıdy.