Mysyrdyń ońtústiginde jaýlasqan taıpalardyń qaqtyǵysy kezinde ondaǵan adam qaza boldy. Bul týraly ITAR-TASS agenttigi habarlady.
«Benı-halıal» men «Dabýdııa» taıpalarynyń arasyndaǵy qaqtyǵys ótken senbiden beri jalǵasyp keledi. Odan bir kún buryn Asýan provınsııasyndaǵy mektep oqýshylary bir-birimen janjaldasyp, bul máselege eresekter de aralasqan kórinedi. Jaýlasqan eki top qoldaryna qarý alyp, ashyq shaıqasty.Úsh kúnge sozylǵan qaqtyǵystan 26 adam qaza bolyp, ondaǵan azamat jaraqat aldy. Sondaı-aq birneshe turǵyn úı órtendi. Qaza bolǵandardyń arasynda áıelder men balalar da bar eken.
Jaýlasqan toptardy tynyshtandyrmaqshy bolǵan polısııanyń áreketi nátıje bermegendikten, olarǵa kómekke qarýly kúsh jasaqtary tartylyp, Asýan provınsııasyna komendanttyq saǵat engizildi.
Atalǵan provınsııa gýbernatory Mýstafa Iýsrı málimdegendeı, bılik qurǵan tatýlastyrý komıteti men jaýlasqan toptardyń aqsaqaldary kelissóz júrgizip, úsh táýlikke provınsııada tynyshtyq ornatýǵa sheshim qabyldandy.
Aıdar О́risbaev.
Derekkóz: Itar-tass.com.
Foto: Ap.org.