«Bolashaq» baǵdarlamasy aıasyna bilim alýǵa bolatyn ýnıversıtetterdiń tizimine taǵy 23 jetekshi tehnıkalyq JOO qosyldy, dep habarlaıdy Egemen.kz.
«Bıyl «Bolashaq» baǵdarlamasy boıynsha granttardyń 60%-y ınjenerlik-tehnıkalyq mamandyqtarǵa bólinedi. Osyǵan baılanysty «Bolashaq» baǵdarlamasy boıynsha oqýǵa arnalǵan joǵary oqý oryndarynyń tizimi álemniń 23 jetekshi tehnıkalyq joǵary oqý oryndarymen tolyqtyryldy. Olardyń qatarynda Eındhoven tehnıkalyq ýnıversıteti, Gambýrg ýnıversıteti, Lester Ýnıversıteti, Phohan ǵylym jáne tehnologııalar ýnıversıteti, Drezden tehnıkalyq ýnıversıteti jáne basqalary bar. Jyl saıyn joǵary oqý oryndarynyń geografııasyn keńeıtetinimizdi atap ótkim keledi. Tek ótken jyly tizim Avstrııanyń, Chehııanyń, Irlandııanyń jáne Ońtústik Afrıkanyń sheteldik joǵary oqý oryndarymen tolyqtyrylǵan edi», dep habarlady «Halyqaralyq baǵdarlamalar ortalyǵy» AQ Basqarma Tóraǵasy Ánýar Janǵozın.
Joǵary oqý oryndarynyń tolyq tizimimen «Bolashaq» saıtynda tanysýǵa bolady.