Fılıppındegi «Megı» tropıkalyq daýyly 115-ten astam adamnyń ómirin qıdy, dep habarlaıdy Egemen.kz.
Fılıppınniń tabıǵı apattardyń aldyn alý jáne saldaryn joıý jónindegi Ulttyq keńesiniń málimetinshe, tabıǵı apat saldarynan 920 myńnan astam adam zardap shekken. 230 myńnan astam adam úılerin tastap ketýge májbúr boldy. Resmı túrde 150-den astam adam habar-osharsyz ketken dep sanalady. 14 sáýirdegi jaǵdaı boıynsha 115 adamnyń denesi tabyldy.
Fılıppınde «Agaton» tropıkalyq daýyly retinde belgili «Megı» bıylǵy jyly arhıpelagtaǵy eń kúshti daýyl boldy. Sıklon Fılıppın teńizindegi konveksııa aımaǵynan paıda bolyp, soltústik-batystaǵy Leıte shyǵanaǵyna qaraı jyljı bastady. Jeldiń maksımaldy jyldamdyǵy 20,8 m/s, ekpini 29,1 m/s deıin boldy.
Qatty daýyl saldarynan nóser jańbyr, jappaı sý tasqyny men kóshkinder paıda boldy. Bolǵan daýyldan Leıte provınsııasyndaǵy Beıbeı qalasy qatty zardap shekti. Joıqyn daýyl fermerler men balyq aýlaıtyn eldi mekenderdi qıratty. Jergilikti bıliktiń málimetinshe, onda 86-dan astam adam qaıtys bolǵan.
Aıana Toǵanbek