Atyraý oblysy arqyly Reseıge 80 tonna suıytylǵan gazdy zańsyz shyǵarýshylar ustaldy. Bul týraly oblystyq ekonomıkalyq qylmysqa jáne sybaılas jemqorlyqqa qarsy kúres departamenti habarlady.
Atalǵan zańsyz áreket departament pen kólik prokýratýrasynyń birlesken reıdi kezinde anyqtaldy. Reseıge ótý úshin Qazaqstan shekarasyna baǵyt túzegen 5 úlken júk avtokóligine 80 tonna suıytylǵan gaz quıylǵan. Aqtóbe jáne Atyraý oblystarynda tirkelgen qos seriktestik basshylyǵy «kógildir otyndy» Qazaqstan shekarasy arqyly shetelge shyǵarýdy kózdegen. Jedel tekserý nátıjesi kórsetkendeı, reseılik nómirler taǵylǵan avtokólikterdegi suıytylǵan gaz ishki naryqqa shyǵarylǵany jáne ony shetelge satýǵa eshqandaı ruqsat etilmegeni anyqtaldy.
El shekarasynan iri kólemde zańsyz taýar ótkizýge áreket jasaǵan seriktestik basshylaryna qatysty Qylmystyq kodekstiń 24-babynyń 3-bólimi (qylmysqa daıyndalý jáne qylmys jasaýǵa oqtalý) jáne 177-babynyń 2-bólimnindegi «a» tarmaǵymen (alaıaqtyq) qylmystyq is qozǵaldy.
Joldasbek Shópeǵul.
Atyraý oblysy.
Derekkóz: Oblystyq departament.
Foto: www. Board.com.ua.