Búgin Densaýlyq saqtaý mınıstri Ajar Ǵınııat Soltústik Qazaqstan oblysyna jumys sapary barysynda qazaqstandyq jáne sheteldik azamattardyń shekaradan ótý tártibimen jáne karantın rejımin saqtaýmen tanysý maqsatynda «Qaraqoǵa» shekara beketinde boldy, dep habarlaıdy Egemen.kz mınıstrliktiń baspasóz qyzmetine silteme jasap.
Mınıstr Qazaqstandaǵy turaqty epıdemıologııalyq jaǵdaıdy saqtaý maqsatynda COVID-19 aýrýynyń yqtımal ósýine daıyndyq jáne karantındik sharalardy saqtaý qajettiligi máselelerin kóterdi.
Sanıtarlyq-epıdemıologııalyq baqylaý departamenti qyzmetkeriniń málimetteri boıynsha, shekaradan ótken 100 adamǵa revaksınasııanyń bolmaýyna baılanysty shamamen 3-4 adam vaksınasııa men tikeleı postta PTR test tapsyrady.
Epıdemıologııalyq jaǵdaıdyń turaqtanýyn eskere otyryp, QR aýmaǵynda koronavırýstyq ınfeksııanyń taralýyna jol bermeý jónindegi vedomstvoaralyq komıssııa aǵymdaǵy jyldyń 11 sáýirinen bastap Reseı Federasııasymen, О́zbekstan jáne Qyrǵyzstan respýblıkalarymen qurlyqtaǵy ótkizý pýnktterinde QR azamattary, azamattyǵy joq adamdar jáne sheteldikter Qazaqstan Respýblıkasynyń Memlekettik shekarasyn kesip ótý boıynsha shekteýlerdi alyp tastaý týraly sheshim qabyldady.