Jerlesimizdi jekpe-jekke shaqyrdy

Brazılııanyń shyǵysynda ornalasqan Vıtorııa qalasynda turatyn Falkaolar áýleti 17 perzentti baǵyp-qaǵyp ósirdi. Biraq olardyń ómirleri ońaı bol­­ǵan joq. Joqshylyq pen ke­deı­shiliktiń azabyn molynan tart­qan otbasy músheleriniń bar­­­lyǵy da kúnkóristiń qamy úshin qara jumysqa erte je­gildi. Otaǵasy Týro Mareno Fal­kao­nyń ózi de kezinde myqty boks­­shy bolǵan kórinedi. Bos ýaqy­tynda ol uldaryn aýlaǵa jınap, olarǵa judyryqtasý óneriniń qyr-syryn úıretti.

Eskıva 1989 jyldyń 12 jel­toqsanynda dúnıege keldi. Áýeli ol áýesqoılar arasynda eleýli tabystarǵa qol jetkizip, jer­gilikti jankúıerlerdiń kóz­aıymyna aınaldy. Bozbala shaǵynda-aq eliniń birinshi nó­mirli boksshysy atanyp, qur­lyqtyq deńgeıdegi dodalarda daralana bastady. 2011 jyly Falkao Bakýde shymyldyǵy túrilgen álem chempıonatynda 75 kılo salmaqta synǵa túsip, qola medaldy moınyna ildi. Bas­tapqy básekelerde sene­gal­­dyq Mamadý Fall (25:9), aýs­­tralııalyq Rob Iаnkovskı (15:9), ulybrıtanııalyq Entonı Ogogo (17:12) jáne qazaq­standyq Danabek Sýjanovty (13:0) san soqtyrǵan ol jartylaı fınalda japonııalyq Rıota Mýra­tadan (11:24) jeńildi.

2012 jyly Brazılııanyń betkeustary Londonda alaýy tu­­­tanǵan Olımpııa oıynda­ry­na attandy. Tumandy Al­bıon elin­de de ol ózin jaqsy qy­ry­nan kórsetti. Alǵashqy aı­na­lym­­­­darda ázerbaıjandyq Sul­­tan Mıgıdınov (24:11) pen ma­jarstandyq Zoltan Harchty (14:10) jolynan yǵystyrsa, jarty­laı fınalda jergilikti boksshy Entonı Ogogodan (19:9) aılasyn asyrdy. Fınalda ózi­niń syralǵy qarsylasy Rıo­ta Mýratamen qaı­ta qolǵap túıis­tirdi. Asa shıe­le­nisti ótken básekeniń taǵdyryn bir ǵana upaı sheshti. Esep – 13:14. Sol jalǵyz ǵana upaı Fal­kaony ǵalamdyq dodanyń bas júl­desinen aıyrdy.

Kelesi jyly Eskıva Alma­tyda boı kórsetti. Alataý baýraıyn­da ótken álem chempıonatynda brazılııalyq boks­shy shabysynan jańyldy. 1/8 fınalda ol qazaqqa jıen bolyp keletin Reseıdiń tanymal bylǵary qolǵap sheberi Artem Chebotarevke ese jiberip, eline eńsesi túsip oraldy. Al býk­­mekerler bastapqyda osy ja­rystyń basty favorıtteriniń biri retinde dál osy Falkaonyń esi­min ataǵan edi.

Almatydaǵy sátsizdikten keıin ol qomaqty qarjy tabýdy kózdep, kásipqoı rıngte kúsh sy­­nasýǵa bel býdy. Tusaýkeser kezdesýin 2015 jyldyń 15 aqpa­nynda amerıkalyq Djoshýa Ro­bertsonǵa qarsy ótkizip, ony tór­tinshi raýndta uryp jyqty. Sol kezden beri Brazılııanyń betkeustary 29 ret sharshy alańǵa kóterilip, barlyǵynda jeńiske jetti. 20 qarsylasyn esi­nen tandyrdy. Eskıva óz jek­pe-jekteriniń denin AQSh-ta ótkizedi. Sondaı-aq úsh márte óz otanynda judyryqtasyp, taǵy bir ret Makaoda aıqasty.

Eskıva Falkao Gennadıı Golovkındi jekpe-jekke shaqyr­ǵany jaıynda biz joǵaryda aıt­tyq. Alaıda bul usynys otandasymyzdy qyzyqtyra ma, álde joq pa, bul jaǵy bizge beımálim. О́ıtkeni qazirgi kezde GGG mek­sıkalyq Saýl Alvarespen aı­qasýdy kózdeıdi. Rasynda da bul kúnderi qos sańlaqtyń trı­logııasyn jer-jahannyń mıl­lıondaǵan jankúıeri taǵat­syz­­dana kútip otyr. Dál osy jekpe-jek­te orta salmaqtaǵy álemniń eń myqty kásipqoı boksshysy kim ekeni anyqtalady. Jáne de bul básekeniń kommersııalyq tur­ǵydan da bereri kóp. GGG men «Ka­nelo» arasyndaǵy kez­desýdi uıym­dastyrý arqyly osy istiń basy-qasynda júrgen kóptegen pysyqaı azamattyń baılyqqa belshelerinen batatyny anyq. Jeńiske jetken boksshy ǵana emes, tipti jeńilgen sportshynyń ózi de qyrýar qar­jyny qaltaǵa basady.

Desek te bul jekpe-jektiń qaı kezde ótetinin dál qazir eshkim dóp basyp aıta almaıdy. Sebebi ázirge qos tarap ortaq mámilege keletin emes. Shamasy, olar «sol jarystan túsetin aqshany qalaı bólisemiz?» degen máse­leniń basyn sheshe almaı jatqan kórindi. Eger joǵarydaǵy áńgime taǵy da uzaqqa sozylatyn bolsa, onda aldaǵy ýaqytta Gennadıı Golov­kınniń Eskıva Falkaomen judy­ryqtasýy da ábden múmkin.

Taǵy bir aıta keterlik derek, Eskıvanyń týǵan aǵasy Iаma­­gýchı Falkao da talaı bıik be­lesti baǵyndyrǵan beldi boks­shyl­ardyń biri. Kezinde ol 81 kılo sal­maq dárejesinde kúsh syna­syp, Brazılııada eshkimdi bet qa­ratqan joq. London Olımpıa­da­synyń qola jáne Panamerıka oıyn­darynyń kúmis júldegeri atandy. Kásipqoılar arasynda 19 jekpe-jek ótkizgen Iаmagýchı tek bir ret utyldy. 16 márte jeńiske jetip, bir ret teń tústi. Al taǵy bir básekeniń ná­tı­jesi esepke alyn­­bady.