Pavlodarda mekteptegi órt saldarynan 479 adam evakýasııalanyp, onyń beseýi aýrýhanaǵa jatqyzyldy. О́rttiń shyǵý sebepteri anyqtalyp jatyr, dep habarlaıdy Egemen.kz.
Pavlodar oblysynyń Tótenshe jaǵdaılar departamentiniń málimdeýinshe, 15 sáýir kúni saǵat 11.00-de Malaısary batyr kóshesiniń boıynda ornalasqan № 1 orta mekteptiń úshinshi qabatyndaǵy kitap qoımasy órtengen.
15 sharshy metr aýmaq (jıhaz, kitaptar janý) órtke oranǵan. О́rt sóndirý bólimi kelgenge deıin 479 adam evakýasııalandy, onyń ishinde 414-i bala. Saǵat 11:41-de órt sóndirilgen.
Bes oqýshyny jedel járdemmen aýrýhanaǵa jetkizildi.
О́rttiń neden shyqqany anyqtalyp jatyr.
О́rt sóndirý ornynda Tótenshe jaǵdaılar departamentiniń 35 qyzmetkeri jumys istep, toǵyz tehnıka jumyldyryldy.