Atyraý oblysynda jyl basynan bergi úsh aıda prokýrorlar qabyldaǵan sharalardyń nátıjesinde 86 mln. teńgeden asatyn eńbekkerlerdiń jalaqy qaryzy tólendi. Bul týraly Atyraý oblystyq prokýratýrasy habarlady.
Jalaqy boıynsha merzimi ótip ketken qaryzdar ótelip, nátıjesinde 962 jumysshynyń eńbek quqyqtary qorǵaldy. Sonyń ishinde «ASD» seriktestiginiń jumysshylary kópten beri ala almaǵan jalaqysyna qol jetkizdi. Sonymen birge, bankrot dep tanylǵan «Atyraý-Balyq» AQ 534 qyzmetkeriniń 46,3 mln. teńge jalaqysy tólendi. Prokýrorlyq yqpal etý sharalarynyń nátıjesi óńirdegi jalaqy bereshegi boıynsha jaǵdaıdyń jaqsarýyna oń yqpal etti.
Joldasbek Shópeǵul.
Atyraý oblysy.
Derekkóz: Atyraý oblystyq prokýratýrasy.
Foto: Maps.resurs.kz.