Aqtaýda 12 shaǵynaýdanda salynyp jatqan Aktau Towers turǵyn úı kesheninen órt shyqty, dep habarlaıdy Egemen.kz mangystaumedia.kz-ke silteme jasap.
Aqtaý qalasy Tótenshe jaǵdaılar bóliminiń bas mamany azamattyq qorǵaý aǵa leıtenanty Maqsat Shafatovtyń aıtýynsha, MO TJD órt sóndirý jáne avarııalyq qutqarý jumystarymen baılanys pýnkine órt týraly habar saǵat 10:10 mınýtta túsken.
Qurylystyń birinshi qabaty tolyqtaı janyp ketken. Janý aýmaǵy - 150 sharshy metr. Ǵımarattyń jalpy aýmaǵy 21 myń sharshy metr.
- О́rt sóndirýge departamentten 6 tehnıka, 12 qyzmetker jumyldyryldy. О́rttiń shyǵý sebebi anyqtalyp jatyr. Zardap shekkender joq, - dedi Aqtaý qalasy Tótenshe jaǵdaılar bóliminiń bas mamany azamattyq qorǵaý aǵa leıtenanty Maqsat Shafatov.