16 sáýirde Energetıka mınıstri Bolat Aqsholaqov Soltústik Qazaqstan oblysyna jumys saparymen bardy, dep habarlaıdy Egemen.kz.
Sapar barysynda Energetıka mınıstrliginiń, Soltústik Qazaqstan oblysy (SQO) ákimdiginiń ókilderi Petropavl JEO-da bolyp, energetıkalyq keshenniń qazirgi jaǵdaıymen tanysyp, stansııany aralap shyqty.Jylý ortalyǵyn aralaǵannan keıin mınıstrlik, oblys ákimdigi, Energetıka jáne turǵyn úı-kommýnaldyq sharýashylyq basqarmasy ókilderiniń jáne stansııa basshylyǵynyń qatysýymen Petropavl JEO jumysyn qalypyna keltirý máseleleri boıynsha keńes ótti.Keńes aıasynda 2021 jyly júrgizilgen kúrdeli jóndeý kólemderiniń, apattyq aıaldamalardyń ózekti máseleleri, JEO-nyń aldaǵy jylytý maýsymyna ýaqytyly, sapaly daıyndyq táýekelderi talqylandy.
Energetıka mınıstrligi avarııalyq oqıǵadan keıin tehnıkalyq jaǵdaıǵa baǵalaý júrgizý úshin Petropavl JEO-ǵa táýelsiz saraptama komıssııasyn jiberdi, onyń qorytyndysy boıynsha Petropavl JEO-2 jumysyn qalypyna keltirý jónindegi Jol kartasy ázirlendi.Jol kartasy JEO-ny aldaǵy jylý berý maýsymyna ýaqtyly jáne sapaly daıyndaýdy qamtamasyz etetin is-sharalardy júzege asyrý úshin qarjylandyrýdyń jalpy somasy 17,5 mlrd teńgeni quraıtyn 5 blokqa bólingen.Keńes qorytyndysy boıynsha júrgizilgen saraptama men taldaý nátıjelerin eskere otyryp, Energetıka mınıstri Bolat Aqsholaqov stansııa basshylyǵyna aldaǵy jylytý maýsymyna JEO-ny sapaly daıyndaýǵa baǵyttalǵan birqatar naqty tapsyrma berdi.