Ulttyq banktiń aqsha-kredıt saıasaty departamenti naqty sektor monıtorıngi basqarmasynyń bastyǵy Igor Osıpov Qazaqstan óńirlerindegi ınflıasııalyq úrdister týraly aıtyp berdi, dep habarlaıdy Egemen.kz.
«2022 jylǵy naýryzda elde jyldyq ınflıasııa 12%-dy (aqpanda - 8,7%) qurady. О́ńirler bólinisinde jyldyq ınflıasııa barlyq 17 óńirde jedeldedi», dedi I. Osıpov.
Onyń málimetinshe, eń joǵary jedeldetý Aqtóbe oblysynda (aqpan aıynda 9%-dan naýryz aıynda 12,9%-ǵa deıin) jáne Shymkentte (8,5%-dan 12,4%-ǵa deıin) tirkelgen.
«Naýryzda azyq-túlik taýarlary baǵasynyń ósý qarqyny 15,4%-ǵa deıin ósti (aqpanda - 10%). Osy toptyń taýarlary baǵasynyń eń joǵary ósýi Aqtóbe oblysynda qalyptasty (18,5%). Azyq-túlik emes taýarlar baǵasynyń ósý qarqyny da 10,9%-ǵa deıin ósti (aqpanda - 8,6%). Eń joǵarǵy máni Aqmola oblysynda (12,4%), al eń tómengi máni Batys Qazaqstan oblysynda (9,2%) tirkelgen», dep qosty ol.