Qazirgi ýaqytta ázirlenip jatqan konstıtýsııalyq zańdarǵa engizilgen jańa ózgerister qazaqstandyqtarǵa Parlament Májilisine 29 depýtat saılaýǵa múmkindik beredi. Bul týraly Ádilet mınıstri Qanat Mýsın aıtty, dep habarlaıdy Egemen.kz.
«Parlament bóligindegi reformada alǵa qoıylǵan birinshi jáne eń basty másele - depýtattardy saılaý júıesiniń ózgerýi. Eger qazir Májilis depýtattary partııalyq negizde saılanatyn bolsa, endi depýtattardyń 30%-y aýmaqtan, al 70%-y partııalyq tizimder arqyly saılanady. Jańa ózgerister Qazaqstan azamattaryna Májiliske aýmaqtyq saılaý okrýgterinen 29 depýtatty tikeleı saılaýǵa múmkindik beredi», dedi Q. Mýsın Ortalyq kommýnıkasııalar qyzmetinde ótken brıfıng barysynda.
Mınıstrdiń aıtýynsha, óz mindetterin, saılaý aldyndaǵy ýádelerin oryndamaǵan depýtat óziniń depýtattyq mandatynan aıyrylýy múmkin.
«О́zgerister Konstıtýsııaǵa engizilgennen keıin Parlament jáne saılaý týraly konstıtýsııalyq zańdarǵa ózgerister engizý týraly zańdar engiziledi. 7-shi shaqyrylym depýtattarynyń ókilettik merzimi aıaqtalǵannan keıin saılaý jańa júıe boıynsha ótkiziledi», dep túıindedi ol.